MANAGUA: Un hues femenino di gobierno di Daniel Ortega a emiti siman pasa un nota oficial acusando e Rectornan di Universidad Centroamericana de Nicaragua (UCA) di “terorismo”,
y mesun momento a ordena pa confisca tur material y bienes economico di e instituto academico priva aki.
Di e forma aki, e regimen di Daniel Ortega a confisca tur cos di e Universidad y su campus, despues di congela su propiedadnan, su cuentanan di banco, y revoca nan acreditacion di nan Centro di Mediacion.
Un fuente hudicial a confirma cu berdad Gobierno di Nicaragua ta haciendo esaki, y ta hortando tur cos di e Universidad aki cu ta uno Catolico Pero ta desde dos siman pasa caba, Gobierno a cuminza teima contra UCA, via di varios email dirigi na e comunidad educacional, y e universidad a contesta cu nan ta tumado ‘pasonan pertinente pa sobrepasa obstaculonan y contratempo cu ta afectando nan operacion normal.’
Tambe dia 15 di Augustus nan a emiti un boletin pa cu e pago di lesnan di prome quincena di e luna aki, ya cu despues cu nan cuenta di banco a wordo congela, a bin incertidumbre con ta bay haci pago pa e aña escolar cu ta cuminza e siman di 21 di augustus.
Publico ta asombra: Aunke UCA no a bisa nada di e tema aki, un fuente liga na e Rectorado a bisa cu varios di nan a bandona Nicaragua mesora ora cu nan a haya sa di e acusacion aki di Daniel Ortega. Nan ta hasta preocupa pa e salud di Rector Rolando Alvarado, kende ta sufri di curazon.
Publico a reacciona decepciona den Ortega, y hopi ta pensa cu e acusacion di sandinistanan ta infunda. Ta increible pa kere cu despues di mas di 60 aña, pa mira potret con a bay kita un Crucifixo di Hesus pa evita cu Gobierno ta confisca esaki y haci cosnan inaceptable cune. Esaki a haci publico tristo, y ta lamenta cu futuro di mas di 5.000 alumno y 546 docente a keda stagna asina pa e medida extremo aki.
Algun hende a hasta puntra si acaso e regimen di Daniel Ortega y Rosario Murillo a bira loco y cu a entrega keho penal pa e delito politico di ‘terorismo’. Pero e no ta un sorpresa, pasobra e Gobierno di Daniel Ortega a confisca y elimina 26 otro Universidad priva caba den pasado y semper ta bin cu acusacion fofo pa haci esaki, incluyendo labamento di placa.
