Van Huffelen bisa cu no tin Aanwijzing na caminda
ORANJESTAD (AAN): Dialuna 20 di juni atardi, durante e conferencia di prensa en conhunto cu Premiernan di Aruba, Curaçao y St. Maarten y Secretario di Estado Alexandra van Huffelen, prensa di Aruba a dirigi varios pregunta tocante e posibilidad pa Aruba haya un aanwijzing pasobra no ta cumpli cu recomendacionnan di CAft.
Secretario di Estado, contestando e preguntanan aki, a indica cu esaki no ta e caso y cu no ta papiando di un aanwijzing.
Secretario di Estado a indica cu simplemente tanto CAft y Gobierno di Aruba ta canando e proceduranan cu tin hancra den ley. Van Huffelen a menciona cu e ta sigur cu den dialogo Gobierno di Aruba y CAft por sali afo di esaki.
