Gobierno a laga basha abao 2 cas cu a kima na San Nicolas

ORANJESTAD (AAN): E siman aki, Minister di Medio ambiente hunto cu Bureau City Inspector, tambe Serlimar, DOW y DIP a logra di a laga haci un limpiesa na 2 cas cu a kima den Village.

   Ta trata aki di ruinanan cu tabata na Caya Martinique 7 y tambe Caya Anguilla #5.

   Despues cu e 2 casnan cu a kima den Village, e oficialnan di Bureau City Inspector hunto cu Ministerio di Medio Ambiente a cuminza busca tur forma pa drenta den contacto cu diferente otro departamento nan pa por keda cla pa haci un limpiesa y basha e casnan aki abou.

   DIARIO a compronde, cu e instancianan sigur a haci un bon trabao.  Pesey palabra di danki ta bay na personal di DOW, Serlimar, DIP, y Bureau City Inspector kendenan a haya tur informacion y cooperacion pa nan por a logra haci e trabao aki posibel.

   Riba e combinacion di foto por mira e 2 casnan cu a worde basha abao.