Gobierno a duna permiso pa Cas di Cuido ‘Amada 60+ Care Services’

ORANJESTAD (AAN): Aruba ta haya un Cas di Cuido mas pa duna yudansa na comunidad di adultonan mayor. 

Ministro demisionario Ursell Arends a indica cu Amada 60+ Care Services a ricibi nan permiso y asina cumpliendo cu tur rekesito manera ley ta prescribi pa opera nan cas di cuido.

   Nan ta bira e di 11 cas di cuido cu ta ricibi nan permiso den e ultimo tres añanan. Nos ta sigui traha hunto cu tur cas di cuido y encurasha nan pa tur por ricibi nan permiso y hisa e standard di cuido pa nos adultonan mayor. A base di e permiso por haci control riba e calidad di cuido y bienestar di cliente.