ORANJESTAD (AAN): Recientemente Ministro a sorprende studiantenan di Colegio EPI unidad di Salubridad y Servicio den e ramo di Verpleegkunde y Welzijn.
En conexion cu dia mundial di enfermeria, e mandatario a tuma e oportunidad riba e fecha special aki pa felicita e studiantenan cu a scoge e carera aki y pa gradicinan.
Minister Croes a pone enfasis riba e balor y importancia di e trabao, specialmente mirando e añanan tras di lomba. Un cantidad grandi di alumnonan a duna sosten den e ’response team’ durante Covid-19 como tambe den e proyecto di vacuna.
E mandatario a expresa; ta un trabao cu nos tin cu balora hopi, paso es nan cu ta traha den salubridad ta salba bida di henter un comunidad. Na mes momento e mandatario di enseñansa ta desea e studiantenan hopi exito cu nan estudio. E studiantenan cu tin e oportunidad pa sigui studia enrikece nan conocemento haci uso di e oportunidad awo cu bo ta hoben. Masha pabien y danki pa sirbi salud di pueblo.
https://diario.aw/categories/noticia/general/gobierno-a-bay-felicita-y-gradici-sudiantenan-di-enfermeria-na-colegio-epi#sigProId7f5e5fee0c
