ORANJESTAD (AAN): E di 12 congreso di CAROSAI ta tumando lugar na Aruba y esaki ta e prome biaha cu Aruba ta anfitrion. Prome Minister Evelyn Wever - Croes a hiba su discurso y a bisa cu hustamente e aña Algemene Rekenkamer ta celebra 35 aniversario.
Pa cual Prome Minister a gradici CAROSAI pa a organisa e congreso na Aruba y pa apunta sra. Xiomara Croes - Williams, director di Algemene Rekenkamer Aruba (ARA), como presidente di CAROSAI pa e proximo tres añanan.
Prome Minister Evelyn Wever - Croes den nomber di Gobierno di Aruba a duna pabien na ARA, pa nan trabou eherci y nan dedicacion asistiendo Parlamento di Aruba den e rol democratico cu diferente investigacion.
E investigacionnan aki ta yuda Gobierno mehora funcionamento y servicionan na henter comunidad Arubano, Prome Minister a enfatisa. Ademas, raport di audit di ARA ta di gran balor pa Parlamento, Gobierno y ciudadanonan di Aruba. E hecho cu e rapportnan di ARA ta wordo publica, tambe ta promove transparencia.
E mandatario a gradici tur invitado y participante na e congreso pa nan bishita na Aruba y pa ta presente na e ocasion special cual ta e di 12 congreso CAROSAI.
