Gobernador Boekhoudt a bishita Fundacion Contra Violencia Relacional

ORANJESTAD (AAN): Diabierna dia 13 di oktober Gobernador di Aruba, Su Excelencia Alfonso Boekhoudt,

a haci un bishita di trabao na Fundacion Contra Violencia Relacional. E fundacion cu a keda institui na aña 1995 (e tempo ey bou di e nomber “Fundacion pa Hende Muhe den Dificultad”) ta yuda personanan cu ta bira victima di violencia y maltrato relacional. FCVR ta brinda e ayudo primario na e victima y ta guia nan den nan recuperacion.

   E Gobernador a haya splicacion riba e trabao y riba e desafionan di FCVR door di e presidente di e directiva, señora Audrey Croes, y door di e director interino señor Giovanni Bermudez.

   Dia 25 di november e ‘Orange The World’ anual ta cuminsa iniciando diesseis dia di activismo. Durante e dianan di e evento aki, FCVR y otro organisacionnan local y internacional ta pidi atencion pa e tema di violencia relacional. Durante un periodo di mas-o-menos dos siman FCVR tambe te colecta placa pa nan Fundacion. E organisacion ta wordo carga tanto door di personal cu trabao fiho como door di asistencia di boluntarionan. Pa e parti financiero FCVR ta depende di donacion di comunidad, como tambe di subsidio di gobierno di Aruba. 

Potretnan cortesia di Kabinet Gouverneur Aruba