Gobernador Boekhoudt a bishita Arubahuis

ORANJESTAD (AAN); Informacion for di Den Haag ta indica cu Gobernador di Aruba, Alfonso Boekhoudt a haci Diahuebs 15 di september un bishita oficial na Arubahuis.

   Gobernador Boekhoudt a keda ricibi pa Minister Plenipotenciario Suplente mr. Ady Thijsen y director a.i. Glenda Hernandez y personal di Arubahuis.

   Gobernador di Aruba a worde acompaña pa director interino di Gabinete di Gobernador Reinoud Pronk y adyudante di Gobernador Frank Plomp.

   Gobernador di Aruba ta na Hulanda pa un bishita di trabao. Gobernador Boekhoudt entre otro lo presencia diamars 20 di september e apertura di Aña Parlamentario na Hulanda, mihor conoci como Prinsjesdag.

   E potretnan ta cortesia di Arubahuis.