ORANJESTAD (AAN): Diasabra 10 di mei ultimo, Gobernador di Aruba Su Excelencia Alfonso Boekhoudt,
a ricibi Prome Minister di Hulanda y tambe presidente di Conseho di minister, Sr. drs. Dick Schoof y su delegacion pa un bishita di introduccion na Cas Ceremonial di Gobernador.
E delegacion tabata consisti di Sr. dr. Bart van Poelgeest, plv. secretaris-generaal Ministerie Algemene Zaken, Sr. ir. Roald Lapperre, directeur-generaal Koninkrijksrelaties y Sr. Vincent Storimans – Hefe di Representacion di Hulanda na Oranjestad.
Sr. Schoof hunto cu e delegacion lo bishita e parti Caribense di Reino di 9 pa 14 di mei. E bishita di introduccion aki ta pa enfoca principalmente riba e Reino den un mundo cu ta cambiando. Durante su bishita na Aruba Prome Minister di Hulanda a bishita entre otro dr. Horacio Oduber Hopsitaal y Instituto Coreccional di Aruba (KIA).
Potretnan: © Kabinet Gouverneur Aruba
https://diario.aw/categories/noticia/general/gobernador-a-ricibi-prome-minister-di-hulanda-y-tambe-presidente-di-conseho-di-minister#sigProId08fd40a66f
