ORANJESTAD (AAN)L Recientemente Gobernador Alfonso Boekhoudt, a ricibi Jonny Andersen, CEO di Aruba Airport Authority N.V. (AAA), pa un audiencia.
Esaki ta e prome audiencia di Sr. Andersen desde su nombramento oficial na comienso di e luna aki. Sr. Andersen ta trece mas cu 20 aña di experencia di liderazgo internacional den e sector di aeropuerto, cual el a obtene den varios posicion di maneho na varios organizacion di aeropuerto na Europa, Africa y den Caribe.
Aruba Airport Authority N.V. (AAA) ta maneha y controla Aeropuerto Internacional Reina Beatrix. E aeropuerto ta sigui engrandece y ta pasando den un fase di renobacion y expancion significante. E potret pa cortesia di Kabinet Gouverneur Aruba.
