Gobernador a haci bishita na Cuerpo Policial di Aruba

ORANJESTAD (AAN): Recientemente, oficialnan di Polis a ricibi bishita halto na Warda di Polis.

   Esey ta debi cu Gobernador Alfonso Boekhoudt di Aruba, a bishita Cuerpo Policial Aruba (KPA) den oranan di mainta.

   E bishita a cuminza na warda di polis situa na Santa Cruz, unda Gobernador a topa cu Hefe di Polis Ramon Arnhem y e Korps Management Team (KMT).

   Despues acompaña pa sr. Arnhem, Gobernador a continua pa e Operation Command Center nobo cu a wordo construi na Savaneta, caminda a haci un recorido y a combersa pa loke ta e actividadnan di KPA na e centro policial aki.

   E potretnan aki ta pa cortesia di Gabinete di Gobernador di Aruba.