ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, bo ta agrega un signo zodiacal y ya bo ta den wega.
Esey ta loke Gloria a haci tambe, y el a bira feliz pa nota cu el a gana.
Pesey riba Dialuna el a acudi na oficina di Lotto na Playa pa asina reclama su premio. Despues di a revisa e ticket, a scan e barcode y e computer a confirma cu Gloria a gana 12.500 Florin cu e wega di Zodiac.
Mesora a sigui cu e proceso pa transferi e premio direct pa su cuenta di banco. Gloria a indica cu e ticket ganador el a cumpra na Lucky Lotto Corner.
