ORANJESTAD (AAN): E ta un wega cu bo por bet cuanto placa cu bo kier, y djis escogiendo cuatro cifra.
Esey ta e wega di Big 4 cu ta hunga tur merdia y anochi den sorteo di Lotto. Y esey ta loke Giovanni a haci tambe.
El a gana cu e wega, y pesey riba Diabierna el a acudi na oficina di Lotto na Playa pa reclama su premio. Aki mesora e empleadonan di Lotto a check si el a pone su firma parti patras di e ticket, y asina a scan e barcode.
E computer a indica cu el a gana e suma di 11.400 Florin cu e wega di Big 4 Anochi. Despues di esey mesora a cuminza cu e proceso pa transferi su premio electronicamente pa su cuenta di banco.
Giovanni a indica cu e ticket ganador mes el a cumpra na Get Rich Yu Xia.
