Gianni's Group Walk & Run a cumpli cu e meta di recauda fondo pa Fundacion Ban Uni Man pa Cria Nos Muchanan

ORANJESTAD (AAN):  John Fun, Presidente di Fundacion Ban Uni Man pa Cria Nos Muchanan tabata masha contento di por a wak e tremendo participacion cu tabata tin durante e 'Gianni's Group Walk & Run' diasabra ultimo.

            El a bisa cu e meta di e evento aki tabata pa recauda fondo pa asina por ofrece ayudo na 300 mucha. Nan tin fondo pa cubri henter e aña escolar aki.

            Segun Fun, pa e evento aki a bende rond di 350 ticket locual ta nifica un suma importante pa por yega na e meta cu e actividad tabata tin.

            El a duna di conoce cu e fundacion tin un lista di espera pa loke ta acepta mucha. Aworaki cu ta cerando December ta bay haci un inventario y a base di esey ta bay dicidi si ta acepta mas mucha of no.

            Gilbert ta representante d Gianni's Group  tambe tabata masha satisfecho cu nan a organisa nan prome 'Gianni's Group Walk & Run y cu nan a haci'e pa Fundacion Ban Uni Man pa Cria Nos Muchanan.

            Tur e placa cu nan recauda pa medio di e benta di tickets lo bay pa e fundacion, a bisa, pa asina por sigui sirbi desayuno na scol pa e muchanan cu mester.

            Esaki ta e prome stap pa Gianni's Group y e fundacion y e meta ta pa keda duna sosten pa basta tempo