ORANJESTAD (AAN): El a hunga cu cinco numbernan, y a paga 2 Florin pa asina participa den e sorteo di Lotto di Dia.
E sorteo di Diamars anochi 28 di September a produci e numbernan 03, 07, 12, 18, y 25.
Gerald tabatin tur cinco numbernan bon, y pesey el a gana! El a acudi Diaranson mainta na oficina di Lotto pa asina reclama su premio.
Inmediatamente e trahadornan a check si el a pone su firma, y tambe yena detaye di su cuenta di banco riba e ticket banda patras. Asina a scan e barcode den computer, y e confirmacion a drenta cu el a gana e jackpot di 68.000 Florin di Lotto di Dia.
Asina a start cu e proceso pa transferi e premio electronicamente pa su cuenta di banco.
Gerald a indica cu e ticket ganador el a cumpra na Lucky Snoopy.
