ORANJESTAD (AAN): Dia 1 di October ta dia di grandinan/adulto mayor, y esaki ta wordo celebra henter luna di October.
Pa e motibo aki Fundacion Movimiento Ta Bida (FMTB) den su proyecto Hunto Grandi, Grandi Hunto ta dedica luna di october completo cu actividadnan pa adultonan mayor. Lo organiza e.o. Caminata, Car Rally, charla, Nochi Luna yen, bishita na Museo, Sportdag.
Fundacion FMTB ta traha dirigi ariba cu un dia comunidad completo lo sa di brinda respet y reconocimento sincero na grandinan kendenan pa añanan a traha na bienestar di comunidad di Aruba.
Frutanan di nan trabao ta e.o. con te 1985 Tur decision pa tur 6 isla tabata ser tuma pa gobierno central na Curaçao. Pa tal motibo Aruba su grandinan a Lucha pa status Aparte. Cu logro di status Aparte, gobierno di Aruba mes por a tuma su propio decisionnan.
Te 1991 hende muhe y tambe hende homber soltero tabata gana menos cu homber casa haciendo mesun trabao. Pa tal motibo Aruba su grandinan a Lucha pa "Trabao igual Pago igual". Na 1992 a logra via huez pa elimina e discriminacion aki. Esta haciendo mesun trabao, pago ta igual.
Asina tin mas logronan cu lo trece na conocemento di tur hende den e proximo dianan.
Fundacion Movemento Ta Bida a traha un calender di October cu lo ta yena cu actividadnan cu Proyecto Hunto Grandi, Grandi Hunto Y Fundacion Movemiento ta Bida hunto cu otro instancianan tin planea pa October.
Tur adulto mayor ta keda cordialmente invita pa participa na e actividadnan aki.
Nos deseo ta pa october bira un luna bunita y dushi pa nos adultonan mayor.
- Diabierna 1 October lo tin celebracion den Cas di Cultura.
- Dialuna 4 October lo tin Soft Opening di Copy Center 60+ na Oficina di FMTB pa 9:00 am.
- Diaranson 6 October lo tin Grandinan di Bishita na Cas Tan Tin na Pos Abao pa 9:00 am.
- Diaranson 6 October lo tin Seso Sport na Centro di Bario Lago Heights for di 5:00 pm.
- Diahuebs 7 October lo tin Unoca ta regala buki na 60+ for di 9:00 am. Maximo 3 buki pa persona, tanten cu tin den stock.
- Diasabra 9 October lo tin Sportinstuif na Centro Deportivo Betico Croes pa 10:00 am.
- Diadomingo 10 October lo tin Morning Walk, saliendo 6:00 am di e Anker na Sero Colorado.
- Dialuna 11 October tin Charla di Setar NV na Centro di Bario Playa Pabao pa 9:30 am.
- Diaranson 13 October lo tin Grandinan ta bishita MANA pa 9:00 am.
- Diahuebs 14 October tin Charla di Impuesto na Centro di Bario Playa Pabao pa 9:30 am.
- Diahuebs 14 October tin Charla di Notario na Centro di Bario Playa Pabao pa 10:40 am.
- Dialuna 18 October tin Charla di NV Elmar na Centro di Bario Playa Pabao pa 9:30 am.
- Dialuna 18 October tin Charla di Lisette Does (Demencia) na Centro di Bario Playa Pabao pa 10:40 am.
- Diaranzon 20 October tin Charla di WEB Aruba NV na Centro di Bario Playa Pabao pa 9:30 am.
- Diahuebs 21 October tin Nochi Luna Yen na Kapel di Alto Vista pa 7:00 pm.
- Diasabra 23 October tin Car Rally 60+, saliendo di Setar NV pa 10:00 am.
- Dialuna 25 October tin Charla di Dr. Maritza Ordonez (Envehecimento) na Centro di Bario Playa Pabao pa 9:30 am.
- Dialuna 25 October tin Charla di Dr. Jaime Falconi (Prepara pa Envehecimento) na Centro di Bario Playa Pabao pa 10:40 am.
- Diaranzon 27 October tin Charla di Solange Eckmeyer (Prevencion di Caida y Alimentacion) na Centro di Bario Playa Pabao pa 9:30 am.
- Diadomingo 31 October tin Morning Walk saliendo di Kapel Alto Vista pa 6:00 am.
