Genevan Maduro a sali ganado absoluto di Arte di Palabra 2022

Diasabra dia 2 di april e competencia di poesia y cuenta na Papiamento "Arte di Palabra", a tuma luga na Cas di Cultura.

Un total di 18 hoben a participa mientras tabatin 21 obra. Algun hoben a participa tanto cu poesia y storia.

   Arte di Palabra (AdP) a inicia na Curaçao y despues a drenta un convenio cu Aruba y Bonaire pa tambe tene e competencia na nan isla. E prome competencia di Aruba a cuminsa na aña 2009, pues e aña aki ta e di 14 edicion di AdP Aruba.

Ganado di cada pais ta bay representa nan ilsa na e competencia interinsular cu ta AdP ABC. E aña aki e final di AdP ABC lo tuma luga na Curaçao, dia 28 di mei.

   Tur aña Curaçao ta duna reconocemento bou di e nomber "Tapushi Literario" na baluartenan di Papiamento di cada isla. E aña aki e persona cu ta bay ricibi reconocemento di Aruba ta Ruthy Vrieswijk. Tapushi Literario lo worde entrega durante e competencia final di AdP ABC.

   Resultado di competencia AdP Aruba 2022 ta:

   Ganado Absoluto: Genevan Maduro cu e obra: “Speranza den Bonanza”.  E ta di Colegio San Antonio.

   Categoria A - Poesia existente klas 1-2:  Nyella Thijsen cu e obra “Poesia Unda bo ta”.  E ta di Colegio San Antonio.

   Categoria B - Poesia original klas 1-2:  Prome lugar pa Jaythan Franken cu e obra “Mi Sobrino”.  E ta di Colegio San Antonio.

   Di dos lugar a bay pa Suanny Cañas cu e obra “Generacion sordo”.  E ta di Ceque College.

   Di tres lugar a bay pa Nigella Albertus cu e obra “Manchi”.  E ta di Abraham de Veer School.

   Categoria C - Poesia original klas 3-6:  Prome lugar pa Genevan Maduro cu e obra “Speranza den Bonanza”.  E ta di Colegio San Antonio.

   Di dos lugar pa Elizien Antersijn cu e obra “Mayornan”.  E ta di Colegio Nigel Matthew.

   Di tres lugar pa Loui Angelo Bislick cu e obra “Mi regreso pa mi progreso”.  E ta di Colegio San Antonio.

   Categoria E - Cuenta original klas 1-2:  Ganador ta Qruina Antersijn cu e obra “Appelmoes”.  E ta di Abraham de Veer School.

   Categoria F - Cuenta original klas 3-6:  Prome lugar a bay pa Guizza Steenvoorde cu e obra “Aprobacion”.  E ta di Ceque College.

   Di dos lugar a bay pa Heily-Ann Giel cu e obra “Nunca lo bo wak mi trompica”.  E ta di Ceque College.

   Di tres lugar pa Xie-Marie Larmonie cu e obra “Sentimentonan scondi”.  E ta di Colegio San Antonio.