NEW YORK: Alarmanan ta sigui cende! Y e rumornan cu e actual Miss Universe, esta Harnaaz Sandhu, ta na estado ta sigui crece y ta plama manera un vlam di candela.
Sinembargo esnan di Miss Universe Organization ainda no a duna ningun declaracion riba e asunto aki, manteniendo silencio.
Ta ser specula tambe, cu un reunion “cu porta cera” entre e reina di beyeza y e organizadornan di e certamen cu ta bay tuma lugar e dianan aki, lo bay pone un puto final na tur e speculacionnan aki, of kizas nan lo anuncia cu e tin di baha su corona.
Harnaaz Sandhu, kende ta modelo profesional di 22 aña die dad, a gana e certamen di beyeza dia 13 di December 2021 na Eliat na Israel. E tabata e di tercer muher naci na India cu a bay cu e titulo di beyeza aki.
Desde cu el a haya e corona, Sandhu a wordo mira riba social media ta subiendo di peso, y aki nan a hasta compar’e cu Alicia Machado na 1996, ora cu su extra kilo di peso a duna humanidad hopi stress.
Siman pasa, varios medio y esnan riba social media a cuminza specula cu Miss Universe #70 ta na estado. Na un evento di Moda na su pais natal, Harnaaz a luci un bisti cu segun hendenan riba social media, ta prueba cu su barica ta subiendo hopi notablemente.
Pesey nan a cuminza exigi pa Miss Universe Organization duna un informe, si acaso ta desmenti e speculacionnan aki of no. Nan ta sorprendi con e aspecto fisico di e reina a cambia desde cu el a wordo corona.
