Otmar Oduber
ORANJESTAD (AAN): Partido PPA ta bisa cu mester percura pa reduci e gastonan den AZV door di permiti cu dokternan di Latinoamerica di renombre bin traha na Aruba.
Awendia ora un persona ta malo ta mande Colombia pa tratamento, pero no ta permit dokternan di e region bin traha na Aruba, no ta permiti pa medicina di Latinoamerica y otro partinan wordo uza na Aruba.
Cu otro palabranan, por reduci drasticamente e gastonan di cuido medico na Aruba habriendo porta pa servicionan di cuido medico for di Latinoamerica y otro partinan por bin Aruba.
Otmar Oduber ta bisa cu logicamente mester sigura cu e calidad y nivel mester wordo inspecciona, pero e lo por yuda baha e gastonan di AZV.
Esaki ta un tema cu el a combersa riba dje cu tanto SVB y AZV particularmente. E dos instancianan aki ta mira cu esaki lo por conduci na reduci drasticamente e gastonan cu nos tin aworaki den AZV.
Oduber ta considera e paso aki logico mirando cu ora nos hendenan ta hopi malo nan ta wordo manda pa Colombia y ta pagando miyones pa aña, pero ora bisa cu kier uza e mesun dokternan aki pa bin cu nan Aruba pa reduci e gastonan medico na Aruba, e ora bisa cu ta imposibel, cu leynan of e sistema no ta permiti. “Nos mester cambi'e, esey ta bay ta e prome pasonan pa logra e metanan cu nos ta pone nos dilanti”.
