ORANJESTAD (AAN): Manera cu DIARIO a anuncia caba, riba Diamars anochi ora cu e sorteo di Lotto di Dia a tuma lugar, a bira conoci cu tin un ganador.
Un solo ticket tabatin e numbernan 03, 14, 26, 27, y 28 poni. Y e ganador ey a bira Mildred.
Diaranson mes el a acudi na oficina di Lotto na Playa pa busca su premio. Aki nan a revisa su ticket pa check si el a pone e firma patras, y tambe e number di banco. Ora di a scan e barcode, e computer a confirma mesora cu Mildred a gana 90.000 Florin cu tabata e jackpot di Lotto di Dia.
Mesora a cuminza cu e proceso pa transferi e premio electronicamente pa su cuenta di banco. Mildred a indica cu e ticket ganador mes el a cumpra na Suerte Bini Bini na Noord.
