Gamma IT Solutions y CITI a organisa un exitoso Coding workshop

ORANJESTAD (AAN):  Gamma IT Solutions den colaboracion cu Curacao Innovation & Technology Institute (CITI) a organisa un XLAB Coding Camp pa mucha y hoben.

            E instructornan di e XLAB tabata e programmeurnan di Gamma IT Solutions y e la tuma lugar na e oficina di CITI. Participantenan cu a registra por a escohe pa sigui e les na oficina di CITI of online via Zoom.  

            E meta di e edicion di e XLAB aki ta pa stimula e hoben pa explora e mundo di coding. Participacion tabata gratis. 

            E grupo di muchanan entre 9 pa 12 aña a siña traha wega via e plataforma Code.org. E hobennan di 13 pa 18 aña a desaroya un app, ‘from scratch’, cu por pone riba nan telefon. E hobennan a haci uzo di e Plataforma Visual Studio.

            A clausura e XLAB cu entrega di certificado pa tur cu a participa.

Brachelo Regina di Gamma IT Solutions ta comenta “Nos ta contento di wak e interes di parti di muchanan y hobennan den e mundo di IT. Coding ta e futuro y  mester stimula nos hubentud pa crea cosnan nobo uzando tecnologia. Palabra di gradicimento ta bai na e team di CITI en especial, Monique Raphaela y Sherline Bakmeijer.”

            Sigui e pagina di Facebook/Instagram di CITI pa mas edicion di XLAB y di Gamma pa mas workshop di coding den future.