Gamma IT Solutions ta despedi di nan stagiaire

ORANJESTAD (AAN): Diabierna, 17 di juni, den e lounge nobo di Gamma IT Solutions, e ekipo di Gamma a despedi di nan stagiaire Alejandro Garcia.

   Alejandro ta un studiante di ICT na Fontys na Hulanda y el a completa su stage exitosamente na Gamma IT Solutions.  Pa gradici Alejandro e ekipo di Gamma a organiza un atardi cu snacks y a dune un plakaat di gradicimento.

   Na e mesun momento Gamma IT Solutions a inagura nan area di lounge nobo cu lo worde uza pa recreaccion di e ekipo di Gamma.  Gamma IT Solutions ta gradici Decor Pro pa e mesanan y stoelnan cu nan a traha specialmente pa e lounge aki. Decor Pro ta un compania di Aruba cu ta experto den e creaccion di mueblenan y cu ta traha tur cos localmente.

   Gamma IT Solutions ta desea Alejandro hopi exito den su ultimo aña di studio na Fontys.