Gabinete di Gobernador a organisa un otro caminata den naturalesa

Pa e muchanan di scol basico

ORANJESTAD (AAN):  Diaranson mainta dia 16 di juli, Gabinete di Gobernador a organisa un otro caminata den naturalesa pa e muchanan di scol basico en cuadro di e “Buki di Pret”. E biaha aki e caminata a tuma luga den Parke Nacional Arikok.

Durante e caminata, Gobernador Boekhoudt a splica e muchanan di e flora y fauna di e area. Tambe Gobernador a elabora riba e descubrimento y procesamento di oro den pasado.

“Buki di Pret” ta un buki specialmente pa muchanan di scol basico cu ta contene diferente actividadnan cu nan por inscribi p’e den e temporada di vakantie grandi.

Riba e potretnan por mira con e mainta aki a bay. 

Potretnan: © Kabinet Gouverneur Aruba