ORANJESTAD (AAN): Prome Minister mr. Mike Eman, diaranson atardi a duna un ‘update’ na
comunidad for di Kustwacht cu Comandante di Wardacosta Aruba Mark Solognier, Hefe di Operacion Louis Kirindongo, Vocero di Kustwacht Miguel Perret-Gentil.
Trabou hopi grandi haci pa cu e buskeda for di prome dia caba. Despues di reunion y informacion cu a ricibi for di Kustwacht, por a haya un bista di con amplio y riguroso e buskeda aki ta cu a extende te na nivel internacional, esta Colombia.
Eman a bisa cu a haci peticion tambe pa un satelite di Hulanda wordo envolvi. Por bisa cu esaki ta un di e buskedanan di mas grandi den historia pa Aruba. Buskeda lo sigui awe.
