Futbolistanan local residencia na Hulanda a ser ricibi den VIP lounge

Nan tey pa wega amistoso di Diabierna awor

ORANJESTAD (AAN): Tabata Dialuna atardi, cu diez futbolista local residencia na Hulanda a yega Aruba pa asina participa den e trainingskamp y hunga e wega amistoso Diabierna 25 di Maart venidero, contra di e team internacional.  E wega lo ta pa 8:30 pm.

    Durante nan estadia na Aruba, nan lo bishita diferente school y instancia local pa motiva muchanan den deporte!

   DIARIO tabata presente ora cu e diez futbolistanan a ser ricibi cu gran  emocion  den VIP Lounge di Airport, pa directiva di AVB, consistiendo di Presidente Randolph Lacle, Hubert Solognier, Harvey Clement, tambe e profesionalnan  di futbol  David Abdul, y Marvic Bermudez. Ademas di mas coach profesional y hungadornan  di Aruba.

   Tambe tabata presente na e bunita recepcion, Ambassadors di ARUBIANO marca nacional, esta Elizabeth Johnson, (1er finalista Miss Teen Grand Universe) y Amazona Alina Kock.

   Cada futbolista  y staf  a ricibi nan welcome gift bag cu nan buki di cultura y pechi Aruba!

   Hungadornan cu a yega di Hulanda ta Darryl Baly, Walter Bennett, Terence Groothussen, Jayson Halman, Noah Harms, Josua John, Matthew Lentink, Fernando Lewis, Diederick Luydens y Benjamin Maria.

   DIARIO ta felicita   AVB cu e tremendo iniciativa aki , y ta desea nos futbolista nan hopi exito Diabierna awor!