ORANJESTAD (AAN): El a haci uso di su instinto, a cumpra e numbernan y a gana tambe! Esey ta loke a socede cu Ayda.
El a soña cu algun number, y el a dicidi na purba su suerte.
El a traha su combinacion di number, y a cumpra nan pa sorteo di Big 4. El a bira feliz ora cu el a ripara cu el a gana.
Pesey mes riba Dialuna el a acudi na oficina di Lotto na Playa pa reclama su premio. Aki e funcionarionan di Lotto a revisa su ticket, y despues a scan e barcode. Inmediatamente e computer a indica cu Ayda a gana 10.000 Florin cu e wega di Big 4.
Mesora a start e proceso pa transferi su premio electronicamente pa su cuenta di banco. Ayda a indica cu e ticket ganador mes el a cumpra na Gwenny’s Lottery.
