Fundacion SIKI a organisa curso 'Governance in de zorg'

ORANJESTAD (AAN): Riba 6 di juli 2022 Fundacion SIKI (Stichting Instituut voor Kennis en Innovatie) a organisa exitosamente e curso avansa titula "Governance in de zorg".

            E curso aki a wordo duna na varios organisacion den sector di salud cu a participa. Orador di e evento tabata mr.dr. Jayburtt Dijkhoff kende a splica detayadamente e importancia di control y di e tarea di hunta di supervision y gerencia di un instancia di cuido.

            Tambe a presenta sr. Edwin Brugman di Hulanda cu a mustra riba e retonan na tera frieu y drs. Lex de Jong di Fundacion Respaldo cu a elabora riba e retonan cu directornan ta encontra.

            Por menciona tambe cu a presenta drs. Prakash Mungra, director di Banco Central, y a splica den un manera hopi cla e similaridadnan entre e sector financiero y di salud.

            Tambe el a splica elocuentemente tocante profesionalismo y mecanismonan di control.

            Fundacion SIKI ta gradici tur participante y colaboradornan pa e evento asina educativo y riba un topico cu sigur lo haya su debido atencion den futuro.