Norman Thijsen ta duna di conoce:
ORANJESTAD (AAN) – Norman Thijsen, Presidente Fundacion Savaneta, a duna di conoce na DIARIO, cu simultaneamente nan ta terminando tres cas pareu, dentro di nan proyecto “Kwashi cu curazon”.
Door cu ta un trabao hopi grandi, tin cosnan cu ta bin acerca y delicado, pasobra asina bo bay raspa muraya por core e riesgo cu un pida muraya cay.
Esey a pasa un par di caminda, y e ora ey bo tin cu metzla e muraya. Pues, mester haci un trabao responsabel tambe. “Esey a tuma nos cuater luna, di hopi trabao. Pues no ta algo cu bo ta yega verf, lague bunita y lague bay. E ta un renovacion responsabel. Aña pasa nos a caba cuater, e aña aki terminando cuater, nos ta yegando ocho cas cu ta hopi visible aki na Savaneta, y asina nos ta sigui bay”, Thijsen a informa.
Norman Thijsen ta kere cu pa otro aña lo wak hopi mas cas tambe. Tur boluntario of compania cu lo kier join pa sponsor por contact e fundacion via su facebook of na Thijsen via su WhatsApp: 594-0644. Hasta tin hende cu ta bin di Hulanda cu ta yama pa nan tambe duna un man, pasobra nan ta haya e proyecto asina importante.
