Fundacion Pa Nos Muchanan a ricibi curso hopi avanza na Bonaire

ORANJESTAD (AAN): Na luna di Juni team di Fundacion Pa Nos Muchanan a bishita Bonaire,

unda nan a participa den un curso di profesionalisacion pa coachnan pedagogico den cuido di mucha, organisa pa Sentro Akseso Boneiru.

   Di 2 te cu 6 di juni, nos a asisti e curso: "Verdiepingstraining Interactievaardigheden" dirigi pa Jacqueline Schoemaker y Anneke Strik, autor di e buki "Interactievaardigheden – Een kindvolgende benadering.”

   Durante e curso, a concentra riba e 6 habilidadnan di interaccion esencial pa traha cu mucha di edad 0 te 12 aña:  (1) Reacciona na manera sensitivo y responsivo—reconoce y reacciona positivamente riba loke mucha ta haci.  (2) Respeta autonomia di e mucha—crea espacio sigur y stimula confiansa den e mes. (3) Duna structura, consistencia y liderazgo—ofrece guia y union.

   Tambe a toca e asunto di: (4) Stimula desaroyo di lenguahe—papia y splica tur cos den palabra cu e mucha por compronde.  (5) Stimula desaroyo—promove cresemento den interaccion di tur dia.  (6) Guia interaccion entre mucha—yuda e mucha pa forma parti di grupo y mehora nan habilidad social

   E siman tabata uno hopi interactivo, informativo y cu hopi inspiracion, cu participantenan di Bonaire, Curacao, Sint Eustatius y Saba.  A sali cu hopi herment practico pa por sigui duna sosten na e profesionalnan den e Centro di Cuido di Mucha.

   "Un coach cu ta bon prepara, por guia su mucha na un manera consiente y cu mas seguridad." Un danki ta bay na Sentro Akseso Boneiru pa e invitacion y organisacion di e curso aki.