Caranan feliz durante graduacion di Unit Economie di EPB Oranjestad

ORANJESTAD (AAN): Recientemente a tuma lugar, e prome anochi di graduacion di esnan di Unit Economie.

  Esaki a tuma lugar den e espacioso Hall aire acondiciona di EPB Oranjestad mes.

   E dinamico Director Erwin Lopez di EPB Oranjestad tabata orguyoso cu e anochi ey un total di 70 alumno a ricibi nan diploma.  Orguyo pa e aplauso cu cada alumno a ricibi ora di subi escenario fenomenalmente decora pa ricibi nan diploma.

   Mas cu claro, un pabien na tur graduado, mentor, docente y mayornan cu a pusha durante full e aña escolar pa e logro aki. Esaki no ta e final sino e comienso di un etapa nobo.  Palabra di pabien na tur.