ORANJESTAD (AAN): Cada Trahador Pedagogico cu ta traha den un Centro di Cuido y Guia di Mucha (Creche y traimerdia) ta pasa hopi tempo cu e muchanan den nan grupo.
Mirando e hecho aki, por conclui cu conhuntamente cu e mayor(nan) nan tin un responsabilidad y un tarea sumamente importante ora ta trata cuido, y guia di nos muchanan.
Pa e motibo aki, Fundacion Pa Nos Muchanan a organisa un charla pa diferente Centro di Cuido y Guia di Mucha tocante e maneranan efectivo pa disciplina y duna recompensa.
E charla a tuma lugar diamars di 22 di Juni.
Cursistanan a recibi informacion entre otro di e diferencia entre castigo y disciplina, time out vs time in y a traha nan propio systema di recompensa den grupo. E informacion cu a ser presenta a yuda cada centro engrandece nan conocemento den e diferente formanan pa stimula e comportacion desea.
FPNM ta sumamente satisfecho cu e interes pa e curso aki y kier a felicita cada Centro di Cuido cu a participa!
Centronan cu a participa ta: Angel Speelschool, Dizah’s Speelschool, Eiva Conta Storia, Honey pony Daycare, Little Zoo Daycare, Speelschool Pasa Dushi Pasa Pret
