Fundacion Pa Nos Muchanan a clausura cu exito Workshop:Beweegplezier 4+

ORANJESTAD (AAN): Recientemente 20 trahador pedagogico cu ta traha den e Centro di Cuido y guia di Mucha (creche y traimerdia) a finalisa e workshop di “Beweegplezier 4+”. 

             E workshop a ser organisa dor di Fundacion Pa Nos Muchanan y tabata bou encargo di e Team di Reach Your Goal Foundation. E workshop aki a consisti di 2 Diasabra mainta.

             E meta principal tabata pa entre otro enfatisa riba e importancia di movecion den un Centro di cuido y guia di mucha. Den e workshop aki e trahador pedagogico a siῆa entre otro diferente formanan pa incorpora warming up, kennismakingspel, estafettes, tikspel, moderne spel y Movecion riba muziek den nan centro. Bandi di esaki a siῆa con pa plania un actividad segun e concepto di STORM y a trata e comportacion cu por spera di un mucha segun nan fase di desaroyo.

             E parti aki tambe ta forma un parti hopi importante den e workshop pa dor cu e lo yuda e mucha yega na su ful potencial den su desaroyo.

            FPNM kier a gradici Reach Your Goal Foundation pa un workshop educativo y sigur activo.

             E cursistanan a keda sumamente contento cu e contenido y e oportunidad pa amplia nan conocemento riba e tereno aki.

            FPNM ta felicita tur cu a participa y mirando e gran exito di e Workshop, FPNM sigur lo ripiti esaki pa duna oportunidad na mas Trahador  y cabesante.