Fundacion Mi Voz ta Mi Voz a haya donacion di 4.755 florin for di 'Kids for Kids Event' di KLM

ORANJESTAD (AAN):   Fundacion Mi Voz ta Bo Voz a yama un conferencia di prensa pa asina haci algun anuncio importante.

            Lisette Gomez, di e fundacion tabata presenta dialuna atardi hunto cu algun representante di KLM, cu recientemente tabata tin nan marathon na Aruba.

            E fundacion a wordo acerca door di nan pa forma un grupo cu yama 'Kids for Kids'. Esaki ta un grupo di muchanan cu a cana of core 5 kilometer y nan lo recauda fondo pa asina yuda e muchanan den necesidad.

            Gomez a agrega cu nan ta hopi contento cu siman pasa diasabra e muchanan a logra nan meta y dialuna tabata entregando na Fundacion Mi Voz ta Bo Voz un check di 4,755 florin recauda entre e muchanan mes, suma cu lo bay over na yuda muchanan den necesidad.

             A gradici e scolnan cu a participa: Ceque College, Colegio Arubano, De Schakel, International School of Aruba, Educampus Learning Institute y e participantenan individual.

            'Kids for Kids' ta pa siña e muchanan con nan por ta un ayudo pa muchanan den necesidad y pa asina por haya mas boluntario den futuro. Ta pa mayornan encurasha nan yiunan den actividadnan sano. Tambe kier promove deporte.

            Den cuadro di esaki a anuncia cu e ganador absoluto di e 5 kilometer tabata un di e muchanan cu a representa e 'Kids for Kids', Lisette Gomez a duna di conoce.