ORANJESTAD (AAN) - E fin di siman dianan 17 y 18 di Juni e campeonato di Mens erger Je Niet ta bay conoce su campeon mundial di MEJN.2022.
Claro ta mundial pasobra aki na Aruba so e wega aki ta tuma luga y den Centro di Bario Brazil, cu ta e centro amigo di tur centronan y famianan rond di Aruba. Diabierna dia 17 Juni ta hunga Pasa Raspa Fit Gang na geel, Eagle Giants berde, Hilton Blue Energy Stars na cora y Jolly Peeps den preto. Dia 18 juni ta hunga e dos ganadonan di dia 17 Juni hunto cu Dynamite, Jolly Shots Gang pa e campeon di Aruba .
Un danki inmenso ta bay na tur e 64 grupo di famia, colega y bisiña cu a cuminsa den e campeonato dia 22 di April. Y ta spera nan ta na tempo pa inscribi pa e di 15 aña di Mens Erger Je Niet LIVE 2023.
Ta invita tur e 64 grupo cu a participa den e campeonato 2022 y nan fanaticada pa despues di tur e tiramento di dow, pa musica di e famoso DJ di C.B.B. Entrada ta un smile. No ta cos di perde.
