Fundacion Klein Aruba lo tene competencia di trahe di fantasia

ORANJESTAD (AAN): Tur persona riba 15 aña cu tin un trahe di fantasia of costume warda den cashi tin e chance di expone y competi cu esaki un biaha mas.

   Sosteniendo e parti cultural y fantasia di nos pueblo, Stichting Klein Aruba ta tene su prome evento cu ta e competencia di trahe di fantasia existente of  tambe trahe di material recicla 30 di september venidero. E evento ta riba e escenario di Paseo Herencia y cada participante lo competi dilanti un panel di hurado cu conocemento di e areanan aki.

   Ora caba di competi, e participante lo para y presenta su trahe na tur turista y bishitante presente.

   DIARIO a compronde, cu den premiacion lo bay tin premio pa miho headpiece, shoulderpiece, bodypiece y miho trahe di fantasia di material recicla.

   Pa participa y ricibi tur regla di participacion, por tuma contacto cu miembronan di fundacion “Klein Aruba” cu ta Jarissa Dubero na 734-4346 of Addonsito Croes na 560-2626. E fondo recauda ta bay back pa bon causa den direccionan di deporte, arte y cultura, literatura y educacion den comunidad.