Esaki lo ta dia 26 di Maart
ORANJESTAD (AAN): Fundacion Epilepsy Aruba ta trahando duro y cu hopi entusiasmo pa conmemora Purple Day, dia internacional di concientizacion riba epilepsia, cu lo tuma luga riba 26 di maart.
Durante e siman nan aki, nos ta den pleno preparacion pa comparti mas informacion den scolnan, cu maestro(a)nan, mayor, studiante y cualkier persona cu kier sa mas tocante epilepsia. Nan meta ta pa crea mas comprension, baha e stigma i duna comunidad e herment necesario pa reacciona corectamente si un persona tin un seizure.
Epilepsia no mester ta algo cu ta wordo teni den silencio. Cu e informacion corecto, nos por crea un comunidad mas sigur, mas consciente y mas solidario.
Nan ta invita tur hende di Aruba pa bisti biña riba 26 di maart pa mustra apoyo y solidaridad cu tur persona cu ta biba cu epilepsia y nan famianan.
Si scol-, of organisacionnan of particularnan kier mas informacion, un charla of colaboracion, nan por tuma contacto cu Margarita na 593-5806 y/of Maryla na 594-5362. Hunto por haci diferencia.
