ORANJESTAD (AAN): Den luna di Maart, e compania WEB Aruba NV lo bay ta mas cerca di pueblo.
Nan tin diferente encuentro planea den barionan, pa asina comunidad por papai cu Gotito y su team di WEB, riba tur asunto di awa, di meter, bo conexion, y bo cobranza di awa.
Bo lo por haya informacion y guia con pa paga bo cobranza di awa via bo smartphone uzando Pay.Aw, con pa uza WEB Aruba Chat, con pa atende cu WEBCare.
Nan lo ta organizando esakinan despues cu comunidad a caba di traha, y lo bay ta den bo vecindario. Corda cu durante e encuentronan aki, no ta bay procesa ni ricibi pago.
E prome ta Diamars 3 di Maart na MFA Noord, for di 6:30 pm te cu 8:30 pm. Ta sigui Diahuebs 5 di Maart na MFA Paradera, for di 6:30 pm te cu 8:30 pm.
Ta sigui Diamars 10 di Maart na MFA Santa Cruz, for di 6:30 pm te cu 8:30 pm. Tambe riba Diahuebs 12 di Maart na MFA Savaneta, for di 6:30 pm te cu 8:30 pm.
Tambe tin na Club Kibrahacha 60+ riba Diasabra 21 di Maart, for di 9:30 am te cu 11:30 am.
Tambe tin Diamars 24 di Maart na Centro di Bario Lago Heights, for di 6:30 pm te cu 8:30 pm. Riba Diaranson 25 di Maart na Centro di Bario Playa Pabao, for di 6:30 pm te cu 8:30 pm.
DIARIO a compronde cu nan lo ta organizando uno na sede di Cas di OPPA, y esey lo wordo anuncia despues.
