Parlamentario Evelyn Wever-Croes:
ORANJESTAD (AAN) -- Lider di Partido Movimento Electoral di Pueblo (MEP), den conexion cu Dia Internacional di Hende Muhe, cu un biaha mas ta wordo celebra Diadomingo 8 di Maart venidero, ta invita tur hende muhe pa bin celebra hunto e fecha aki na sede di MEP.
“E anochi aki, e tema central ta ‘Bo bienestar. E bienestar di hende muhe’. Como hende muhe, nos ta cuida di tur hende, pero ken ta cuida di nos? Anto, esaki ta momento pa bo bin, y siña mas di con pa cuida bo mes. Nos ta bay cu charlanan hopi interesante, entre otro, di Dennis Arends, Nutricionista, Dorilis Werleman, Psicologo, Paola Gracia, Fitness Instructor. Nos lo enfoca riba bo bienestar fisico, mental, y con bo por nutri bo mes pa bo por sigui atende tambe cu esnan den bo bida”, Wever-Croes a señala.
El a duna di conoce tambe, cu lo tin diferente boot cu lo duna informacion con bo por cuida bo mes muho miho.
“Mi ta invita bo pa bo uni cu nos den e celebracion aki, Diadomingo dia 8 di Maart, di 6’or di atardi te 9’or di anochi, den e sede di MEP. Cuponan ta limita, pues mi ta pidi bo pa bo registra, subi un link cu nos tin riba nos webpage, y apesar cu no tin cu paga pa entrada, ta hopi importante pa bo registra”, señora Evelyn Wever Croes, Lider di Partido MEP, a subraya.
