ORANJESTAD (AAN): E ta un momento oportuno pa bo engrandece bo conocemento, haya sa un otro idioma, y mas, pa asina bo por sobresali y bay dilanti den cualkier empleo.
Diasabra awor, esta 1 di Juni, Fundacion Dominicana Arubanse Juan Pablo Duarte lo tene un anochi di inscripcion pa diferente cursonan cu e Fundacion lo ofrece.
Lo bay tin curso di Papiamento, curso di Hulandes, curso di Ingles, y tambe curso di Alfabetizacion.
Tur esaki lo tuma lugar na e oficina di e Fundacion, cu ta na Niewstraat 34-D. E anochi d inscripcion ta for di 7:00 pm te cu 9:00 pm.
E cursonan ta yuda cada persona desaroya habilidadnan nobo, y pushabo den caminda pa exito. Pa Fundacion Dominicana Arubanse Juan Pablo Duarte, e educacion ta nan prioridad, mas cerca di comunidad.
