Director di Santa Rosa na conferencia na St. Eustatius a duna update di Proyecto GAP

Byron Boekhoudt a duna info di e leynan di pesca

ORANJESTAD (AAN): Informacion ricibi di St. Eustatius, ta indica cu Diahuebs mainta, señora Nathalie Maduro, kende ta director di DLVV Santa Rosa conhuntamente cu Sr. Byron Boekhoudt encarga cu e Seccion di Pesca ta presente na e session di DCALFA Conference 2024.

   Señora Maduro a presenta e proyecto di GAP cual Aruba tabata encarga cu despues di e conferencia aki cu a tuma lugar aña pasa na Aruba. E prome fase lo bira un proceso adapta na e situacion local den cual lo enfoca riba mas training y guia na e productonan y lo busca cooperacion tambe cu FAO, en cooperacion di RVO, riba e aspectonan tecnico.

   Tambe el a elabora riba e estudio haci pa coleccion di awa di yobida y mas posibilidad cu por worde brinda den proyectonan escolar. Cada isla lo duna un update riba e comision y proyecto cu nan tabata responsabel pe.

   E tabata un mainta hopi educativo pa tur delegado. Mas laat tambe, Byron Boekhoudt, encarga cu seccion di Pesca di DLVV Santa Rosa, a duna un splicacion extenso pa tur hende presente, riba e Leynan di Pesca.