Fundacion Ateliers' 89 Punto di Bellas Arte Aruba cu varios actividad interesante y cu imagen nobo

ORANJESTAD (AAN): Fundacion Ateliers' 89 Punto di Bellas Arte Aruba, trahando pa 16 aña largo a keda opera durante pandemia, enfrentando y surpasando e barera cu COVID19 a bin cune.

            Ateliers '89 nunca a stop di funciona como e punto di bellas arte na Aruba. Nan ta unico organisacion cu a duna tayer online pa asina sigui ofrece diferente disciplina di arte na esnan  interesa den mundo di arte y asina comparti cu nan,  experticio den conocimento di arte contemporaneo cu nan

mesun artistanan Arubano di Ateliers' 89, gratuitamente.

            Tur aña nan ta presenta nan desfile di moda den grandi, apesar cu tur medidanan nan di Covid19 nan a adapta na e normanan nobo.

            Cu un gran colaboracion di Check Point Color y Semi Chahmi, bou direccion di Chelsea

Peterson a presenta pa di prome biaha un online video fashion show, ilustrando den forma unico aki tur e creacionnan fantastico di moda cu wordo crea pa e participantenan.

            Cu aporte di Mondrian Funds pa COVID, Ateliers ' 89 a ta logra yuda 17 artista di Ateliers' 89 cu un subsidio generoso y asina tambe invitanan pa participa pa crea e exposicion

cu yama P A N.

            PAN ta Dios di PANDEMIA, tambe Dios di Artistanan. PAN tambe ta e pan cu Artistanan no

haya durante Covid 19. Refiriendo na esaki a puntra artistanan pa traha obra cu tin di haber cu concepto aki, unda cu lo wordo mira den exposicion trabou di diferente artista cu e tema aki.

            E artistanan a wordo escogi no solamente pa nan obra pero tambe paso nan ta e artistanan di

Ateliers'89, bou di curadoria di su director artista y curador Elvis Lopez.

            Artistanan participando cu multi disciplina di arte manera; performance, video, fotografia, pintura, dibuho, instalacion y escultura.

Artistanan ta;

1. Velvet Zoe Ramos
2. Anuar Habibe
3. Jess Wolff
4. Armando Goedgedrag
5. Desiree Sporkslede
6. Brunal Anaya
7. Suyin Ridderstaat
8. Samuel Sarmiento
9. Chelsea Peterson
10. Danilo Geerman
11. Natusha Croes
12. Romelinda Maldonado
13. Fernando Vermeer
14. Sharelly Emanuelson
15. Ken Wolff
16. Irvin Aguilar
17. Wilfred Jansen

IMAGEN NOBO

            Ta contento di por anuncia cu desde diahuebs, lo reinventa nan mes cu un  imagen completamente nobo, cambiando nan nomber, logo y website pa Punto di Bellas Arte Aruba.

            Bista di nan edificio y sala mayor di exposicion cu dos mural nobo y borchinan di anuncio cu tin

un QR riba nan cu lo conecta bo inmediatamente cu nan website nobo.

             Cu un imagen completamente profesional, traha den un forma pa ta mas visualmente atractivo y facil di haya cualkier informacion di nan organisacion.

            Mencionando tur actividad cu tabata tin den pasado, presente y futuro, un website educativo unda no solamente ta haya sa tur loke nan ta representa pero tambe por conoce e artistanan y obranan cu ta wordo traha den nan workshopnan.

            Punto como e punto di encuentro y e centro cu a bin di ta pa e arte contemporaneo, su educacion, salanan di exhibicion, sala di teatro Black Box, Arte den Bario, artista den residencia y Caribbean Linked, pa nos hobennan, artistanan y amantenan di arte en general di Aruba.

            Alavez dia 31 di j uli  lo lansa, hunto cu Fresh Milk Barbados, ARC Inc, Sint Vincent and

the Grenadines y otro islanan di Caribe, cu cooperacion di Dj Adriano Nanof nan ONLINE CARIBBEAN LINKED VI, 2021. 30 di Juli - 31 di Augustus, cu conversacion pa publico Diamars 3 y Diaranson 11 di Augustus pa 5pm.

            Presentando di es manera aki na e publico Internacional y di Caribe e artistanan participante y curadornan. Bou curadoria di Ethan Knowles escritor di Bahamas, Sofia Olascoaga curador, museo MUAC ciudad di Mexico y Miguel Lopez curador independiente Lima, Peru, hunto cu e artistanan invita di Aruba Romelinda Maldonado, Aruba, Venezuela Samuel Sarmiento, Sint Martin Claudio Arnell,

Barbados Taisha Carrington, Sint Vincent y Grenadines Akley Olton, Cuba Susana Pilar, Cayman Islands John Remo Jackson, Puerto Rico Sarabel Santos Negron,Guadeloupe Beliza Troupe.

            Anticipando asina e presentacion en vivo na Aruba den 2022 di CARIBBEAN LINKED VI 2022 na Ateliers ' 89 Punto di Bellas Arte Aruba.

            Tur esaki sin kita afor e fantastico workshopnan cu tin pa fin di aña 2021. Cu nombernan internacional manera, Ciro Abath (ceramica) Aruba, Dora Longo (pintura) Brasil, Alma Mathijsen (escritora) Hulanda y Jessie Koeiman (fotografia) Aruba Hulanda.

            Bo persona ta keda cordialmente invita pa participa na tur nan eventonan aki y tambe na

e prome evento di verano e gran apertura di e exposicion di artistanan di Ateliers ' 89, esta P A N, Gods Artists (in times of Covid) Diadomingo 11 Juli, 2021 - 8:00 pm. - Entrada ta gratis.