Funcionarionan di DIMP a sigui opleiding di Commies der Belastingen Invordering

ORANJESTAD (AAN): Den fin di siman, Ministro Geoffrey Wever a haci entrega di diploma na

11 funcionario di Departamento di Impuesto cu a completa exitosamente e formacion Commies der Belastingen Invordering 2024–2026.

   E formacion aki ta enfoca riba desaroyo di conocemento y competencia profesional den area di cobramento di impuesto, y ta completa un trayecto interno di tres formacion fiscal. Esaki ta representa un inversion directo den calidad y capacidad di nos administracion fiscal.

   Modernisacion di Departamento di Impuesto no ta solamente trata di digitalisacion, sistema nobo of proceso mas eficiente. E factor humano ta keda esencial. Nos mester sigui inverti den nos profesionalnan, duna nan e conocemento y hermentnan necesario pa nan por ehecuta nan responsabilidad na un nivel cada bes mas halto.

   Como Minister di Finansa, e ta considera esaki esencial pa un administracion fiscal profesional, eficiente y confiabel, cu por sigui contribui na un maneho financiero solido pa Aruba.

   “Mi ta felicita tur 11 graduado pa nan dedicacion y resultado logra, y Departamento di Impuesto pa sigui inverti den desaroyo profesional di su personal. Nos ta modernisa sistema, fortalece institucion y inverti den hende. Asina nos ta construi un Gobierno mas profesional y prepara pa futuro,” e titular di Finanzas a termina bisando.