Funcionario di Aruba na combersacion riba cambio di clima y islanan chikito

ORANJESTAD (AAN): Informacion for di Den Haag ta indica cu na residencia di embahador di Australia na Hulanda a

tuma lugar recientemente un combersacion di mesa rondo riba e retonan pa loke ta cambio di clima cu e islanan SIDS Small Island Development Staten ta confronta cune.

   E seccion aki a worde organiza pa e embahada di Australia y Ministerio di Asuntonan Exterior di Hulanda. Meta di e combersacionnan tabata cu representantenan di sector publico, sector priva y otro institutonan a bin acerca pa intercambia di idea riba e materia aki.

   Shandra John, hefe di departamento Huridico y Union Europeo di Gabinete di Aruba a hiba palabra den nomber di Minister Plenipotenciario riba e retonan, experencianan y “best practice” di Aruba riba e tereno di cambio di clima.

   E tabata un seccion hopi interesante unda na final tur presente por a conclui cu nos tur lo haya nos confronta cu e consequencianan di cambio di clima, pero cu conhunto nos mester sincronisa cu otro pa asina duna otro e sosten nesesario. E potretnan ta cortesia di Arubahuis.