ORANJESTAD (AAN): Semper bo tin di sigui bo intuicion! Esey ta exactamente loke Franklin a haci.
El a cumpli un aña mas di bida, y a acudi na rebendedor di Lotto pa cumpra su numbernan pa wega di Zodiac.
El a hunga edad cu el a haci, y e edad cu el a laga, y a pone su signo acerca.
El a bira feliz pa mira anochi cu su numbernan a sali pa Zodiac tambe!
Pa tal motibo Dialuna el a acudi na oficina di Lotto pa reclama su premio. Aki mesora a check si Franklin a pone su firma tras di e ticket, y a scan e barcode. E computer di Lotto inmediatamente a confirma cu el a gana e suma di 25.000 Florin. Mesora a start e proceso pa transferi e premio electronicamente pa su cuenta di banco.
Franklin a indica cu e ticket ganador el a cumpra na Lucky Trailer.
