ORANJESTAD (AAN): Fraccion di PPA no ta bay vota na fabor di aprobacion di presupuesto di 2025, si no tin recortenan substancial den esaki.
Esaki lider di e partido Oranje Otmar Oduber a duna di conoce.
El a splica cu dentro di poco e fraccion lo manda un serie di pregunta pa e minister y Gobierno relaciona cu e carta CAft cu a sali.
“Atrobe ta vislumbra cu no a trata un presupuesto den Parlamento y no ta cuestion cu bo ta formando un Gobierno si of no”.
Mi ta kere cu un presupuesto mester wordo aproba y un Gobierno mester funciona debidamente conforme regla y leynan di contabilidad y naturalmente conforma acuerdonan cu bo a cera, segun Oduber.
El a sigui bisa cu esey tin Aruba unda nos ta aworaki, pasobra Gobierno no ta cumpli cu e promesanan cu e ta haci.
“Pesey fraccion di PPA mirando e aumento drastico di e prijs di gas y e consecuencianan cu esaki lo tin pa prijs di cuminda na entre otro restaurantnan na Aruba, ta imposibel pa aproba cualkier presupuesto cu wordo presenta, cu no ta refleha un reduccion substancial den e gastonan di Gobierno”.
Imposibel cu bo ta kere cu bo ta entrega un presupuesto di pais Aruba, mientras cu nos di fraccion di PPA a mustra cu bo mester tin un reduccion di 10 pa 12% di reduccion den e gastonan di Gobierno.
Esaki segun e lider di PPA kende a indica cu tin espacio pa bin cu un reduccion di e gastonan.
