For di 20 aña caba 'Memorial Day' ta un dia special conmemora tambe na Aruba

ORANJESTAD (AAN):  Dialuna mainta, riba beach na Costa Linda Beach Resort na Eagle tabata tin un ceremonia special den cuadro di e 'Memorial Day'.

Manera ta conoci, esaki ta un dia pa rindi tributo na tur e personal militar cu a fayece sirbiendo e forsanan arma di Merca durante e temponan di guera. E ta wordo conmemora for di mas di 150 aña caba.

 Na Merca, por ehempel, na e santanan ta observa e dia aki cu homenahenan, cu ofrendanan di flor y banderanan mericano na e grafnan di esnan cu a sirbi Merca y cu a bay laga e mundo aki.

Na Aruba,  e ceremonia aki a inicia 20 aña pasa, na 2004, cu 4 veterano mericano y nan famia unda a rindi tributo na e soldadnan cu a cay den servicio. Durante di esaki a lesa un bunita poema 'We stand by the sea' a toca taps y a pone un kraans conmemorativo na lama.

Tabata sigur un ceremonia conmovedor.