Durante eleccion Huez a rechasa poder di partido riba votador
*Un araña a cuminsa cana for di Prome Gobierno di pais Aruba
*Reino a bati alarma for di momento di hipoteca pa crimen organisa
ORANJESTAD (AAN) — Pa corupcion mester di crimen organisa, cu den politica ta e contrincante di democracia ya cu e kita libertad di e votador pa actua segun su concenshi ora e ta vota pero tambe e ta ladronicia di derechonan di ciudadanonan y abuso di e votador.
Corupcion por comberti gobernacion den un sistema di Maffia, den cual durante eleccion plannan ta wordo traha pa garantisa cu sostenedornan di un partido ta haya derechonan contra ley y cu ta kibra e bienestar di e personanan cu no ta parti di e partido.
Corupcion, cu ta un acto mafioso, ta pone e votador den man di e politico. E votador mester haci loke e politico exigi pa e haya loke e politico lo dune contra ley.
Na mes momento e persona cu ta sostene e partido cu placa, ta haya oportunidad di exigi di e partido pa haya loke ta contra ley.
Tur esaki ta wordo organisa na caminda pa eleccion, cu ta perde e motibo di voto secreto pero tambe ta bira instrumento di gobierno pa manipula Pueblo y di otro banda pa hende cu placa dicidi den partido politico.
E elementonan aki ta loke ta bini dilanti actualmente den e caso Avestruz, pero for di eleccion di 2021 Huez a mustra cu e no ta honra peticion di AVP pa nan haya e registronan di votador pa evita cu e partido ta pone presion riba e votadornan.
Huez a declara cu AVP a kibra ley ora AVP a bay Huez cu un copia di un voto, cu mester ta secreto pero cu a wordo trece den publicidad pa medio di un portret cu a wordo saca di un formulario riba cual a vota, loke ta un crimen.
Awe e palabra crimen organisa ta bini dilanti. E palabra cu Pueblo ta comprende mas facil ora ta papia di crimen organisa ta, Maffia.
Maffia ta actua den nan organisacionnan, cu nan ta duna e nomber di Cosa Nostra, dor di uza hasta menasa di morto pa pone presion riba nan votadornan, cu ta bira nan obheto cu cual nan por haci y deshaci.
E palabra Mafioso na Aruba no ta papia di e uzo di menasa di morto, pero si di e ladronia di derechonan di tur hende na mes forma den un sistema democratico.
E politico cu mas conocemento di e forma cu Reino Hulandes a trata na tur forma pa cera porta pa practicnan corupto y mafioso na Aruba, ta Mike Eman cu for di 2016, cada bez cu AVP tabata den Gobierno, tabata fungi como coordinador.
E ta na haltura di e peligernan di accionnan mafioso. Na momento cu e prome Gobierno di Henny Eman a sinta, Aruba a drenta noticia internacional pasobra Maffia kier a bini cu proyectonan pa Aruba.
Hulanda a bay contra e forma cu den e restructuracion economico di Aruba cu e sistema di hipoteca, porta tabata wordo habri na gran escala pa corupcion cu otorgamento di tereno pa baha gasto pa personanan cu kier realisa proyecto.
E sistema cu tabata duna hipoteca a wordo cambia mientras e proyecto Beta a hinca Aruba den otro escandalo mundial.
Prome Ministro di e tempo Henny Eman a nenga declaracionnan internacional cu placa a wordo duna na AVP pa e grupo cu tambe tabata di Italia. Pero ex Prome Ministro Henny Eman a acepta cu ta donacionnan ta forma entrada di AVP, pero cu sumanan mas abou.
Historia ta duna motibo pa cual awe Huez ta papia y sigui papia di posibel relacionnan entre e caso Avestruz y e yudansa financiero cu a wordo duna na AVP na caminda pa eleccion 2021.
Awe ora nos enfatisa cu Mike Eman sigur tabata tin motibo pa cuida e bon maneho di terenonan di Aruba, nos mester recorda tambe e caso criminal di Fondo Desaroyo Nobo San Nicolas, den cual cuatro Ministro di AVP a wordo acusa y di cual solamente Henny Eman no a wordo sentencia pasobra ainda no tabata tin cifra annual, cu ta ciere oficial di e cuentanan anual di Aruba.
Ta realidad di scandalnan a haci nos exigi pa e investiga e proyectonan Bo Aruba, cu awe ta destrui bienestar di ciudadanan, cu mester paga pa e sumanan cu a bay den proyectonan, cu un organisacion asina extenso mientras a evita cu Parlamento y Hulanda por a eherce control.
Durante Gobernacion di Mike Eman, durante ocho aña parhanan manera Ibis y Avestruz a shock Pueblo di Aruba, cu awe ta biba cu e realidad di araña den e caso di terenonan.
Asuntonan hopi serio ta wordo presenta pa sostgene e motibo di tanto cautela di Hulanda pero tambe pa entrega prueba, cu nada ta keda scondi na mundo y cu tur berdad un dia ta sali na claridad!
