ORANJESTAD (AAN): Un fenomenal festival di cancion ta den preparacion, pa tuma lugar den e di tercer siman di November.
Cabezante di scol Bernadetta Geerman a bisa cu e fecha escogi ta Diabierna 18 di November 2022 den cuadro di Derecho Internacional di Mucha/Dia di mucha.
Colegio Laura Wernet Paskel ta organizando un Festival di Canto "Canto di mucha pa nos Muchanan'.
E evento aki lo tuma lugar riba plenchi di scol mes y e ta di 6:00 pm te cu 9:00 pm.
E meta di actividad aki ta pa e scol cumpli cu aspectonan di nan mision/vision di scol na unda e curiculo di scol no ta duna nos e espacio suficiente. E muchanan ta experiencia pa canta canticanan na Papiamento di e coleccion "Nos ta Canta' di nos mesun compositornan.
Nan ta siña presenta dilanti un publico grandi y canta cu un banda. Nan ta participa na un evento social cultural pafor di e orario di scol.
Cada klas ta manda un representante. E banda 'De Trupialen' lo ta acompaña e muchanan.
