ORANJESTAD (AAN); E ta fiel na su numbernan, y ta percura pa cumpra su numbernan vast pa wega di Catochi.
E biaha aki Fior a hunga su numbernan y a gana tambe! Pesey riba Diaranson el a acudi na oficina di Lotto na Playa pa reclama su premio.
Aki el a entrega su ticket ganador riba cual el a pone su firma y su number di banco. Mesora a scan e barcode, y e computer a indica cu Fior a gana e premio di 20.000 Florin cu wega di Catochi Merdia.
Mesora a cuminza cu e proceso pa transferi e premio electronicamente pa su cuenta di banco. Fior a indica cu e ticket ganador el a cumpra na Super Food.
