ORANJESTAD (AAN): Dialuna a habri cu e informacion cu Setar NV lo stop di usa nan IP address bieu.
Segun Setar NV, entrante 31 di maart 2022 lo tin cambio di e Domain Name System (DNS) di Setarnet. E siguiente IP adresnan lo descontinua y worde reemplasa cu IP adresnan nobo:
Clientenan cu tin un router of DNS programa manualmente lo mester cambia esaki prome cu e fecha di 31 di maart.
Pa loke ta SETAR su ADSL modems, Cablenet modems y ONTs, e cambio lo worde haci automaticamente. Esaki den caso cu clientenan no a override e automatic mode pa esaki por sosode.
Clientenan cu tin DNS manualmente programa den nan router of switch, computer, laptop, etc., lo mester haci e cambio den nan IP adresnan manualmente. Tambe por ehempel clientenan cu tin un sistema di camara na cas y/of un fixed IP adres.
Pa mas informacion di con pa configura e DNS riba diferente device, bishita e pagina www.setar.aw/dns y pa cualkier pregunta of mas informacion, por yama nan Contact Center na 127.
